Nasapwan kahapon sang aga ang bangkay sang isa ka lalaki sa Bayawan City sa Negros Oriental. Ang biktima nga ulihi nakita sang Miyerkules ginkilala kay Edelberto Pablo, 52 anyos.
Sa imbestigasyon sang PNP, ulihi nakita ang biktima nga nakainom kag gin guyod ini sang suspek kag gin hulog sa box culvert nga may tatlo ka metro ang kadalumon.
Ginlampusan sang matig-a nga bagay ang iya ulo suno sa pulis. Detained karon ang suspek matapos gintudlo sang naka saksi sang krimen.
Ginahibalo pa kun ano ang motibo sa pagpatay sa biktima.