Detained sa Mabinay PNP sa karon ang suspek nga si Dionelo Sadiasa matapos niya gin hostage sang Biyernes ang iya sini ginapangaluyagan kay wala siya ginsabat.
Suno sa Negros Oriental PNP, matapos siya gin basted sang gina pangaluyagan niya nga babaye sa Bayawan City, ginpwersa niya pasulod ang biktima sa iya sini salakyan kag gintutukan sang armas.
Natabuan man nga nag labay ang salakyan sang suspek sa checkpoint sa banwa sang Mabinay kag iya ini nga ginpalagyuhan gani ginlagas sang kapulisan.
Sang ma corner na sang pulis, didto na nahibaluan nga iya gin hostage ang biktima kag may negosasyon pa nga natabo suno sa pulis antes nag surrender si Sadiasa.
Kaso nga illegal possesion of firearms ang ginpasaka na sang Mabinay PNP batuk sa iya samtang kaso nga abduction man ang ipasaka sang bayawan pnp batuk sa suspek.