Patay ang isa ka lalaki matapos nga malumos samtang nagapaligo sa suba sang Malogo River, Hacienda Teresa, Brgy. Alicante banwa sang EB Magalona, Sabado sang hapon.
Ang biktima ginkilala sa kay Joseph Ragasa, 28-anyos kag residente sang nasambit nga lugar.
Suno sa EB Magalona PNP, nagainom-inom ang biktima kag mga abyan sini kadungan sa selebrasyon sang adlaw ni San Juan de Bautista.
Suno sa mga abyan sang biktima, ila pa nga nakit-an nga nagapaligo sa suba si Ragasa la una sang hapon kag ini ang hinali na lang nga nadula.
Nasapwan ang biktima mga 20 metros kung sa diin ini ulihi nga nakit-an nga nagalangoy.
Patay na siya sang gindala sa ospital.
Sa record sang Philippine Coast Guard, anum tanan ka mga persona sa Western Visayas ang patay sa pagkalumos sa Kapistahan ni San Juan de Bautista kabahin na diri si Ragasa.