Ginbawian sang kabuhi ang isa ka lalaki matapos malumos sa suba nga sakup sang Barangay Guiljungan, banwa sang Cauayan, Negros Occidental, sadtong Martes, Hulyo 22.
Base sa impormasyon, papauli na kuntani sa ila puluy-an ang 30-anyos nga biktima.
Gikan ang biktima sa isa ka ilimnan kag nag-agi sa suba.
Nag-responde ang Philippine Coast Guard-Cauayan kag gin-rescue ang biktima.
Ginhingagaw dala sang Cauayan DRRMO ang biktima padulong sa Cauayan District Hospital apang siya ang gindeklarar nga dead on arrival.
