Pasado las 5 na sang hapon sang nakit-an ang lawas ni Willie Lariosa hapon sang Miyerkules. La una sang hapon nagpaligo sila sa baybay sa Punta Runway sa Old Airport, parte na sang Barangay Tangub sa Bacolod.
Suno kay Ensign Eljhon Ga, sub-station commander sang Bredco Port, nagadalom ang 5 tubtob 6 ka tapak ang tubig sa area nga nakuhaan sang iya nga lawas.
Istorya sang iya nga pamilya, masami nga nagalahog-lahog si Lariosa nga nalumos siya gani indi na bag-o sa iya mga abyan kun makita nga gakalumos siya.
Kahapon tuod-tuod na ang pagkalumos ni Lariosa kag ulihi na nga nakapangayo sang bulig ang iya mga kaupod sa pensar nga naga lahog pa ini sa gihapon.
Dugang pa sang Coast Guard nga masobra tatlo ka oras ang search and rescue operation antes nakita ang lawas sang biktima.