tanan ka putos sang suspected marijuana ang nakuha sa isa ka lalaki sa checkpoint sang Murcia PNP sa national highway sang Purok Stop, Brgy. Blumentritt sa banwa sang Murcia Hwbes sang kaagahon.
Ginkilala ang suspek nga si alias Carlo, 20-anyos sang Sunrise Village sa amo man nga barangay.
Sa inisyal nga impormasyon gikan sa PNP, una nakuha sa suspek ang isa ka putos sang suspected marijuana sa cover sang headlight sang iya motor.
Sang ginrekisa siya sang mga pulis may nakuha pa gid nga dugang nga 22 ka mga putos sang marijuana sa iya.
Suno sa PNP yara sa P18,000 ang balor sang nakuha nga marjuana sa suspek.
Kasuhan siya sang paghupot sang iligal nga droga kag detained na karon sa Murcia PNP.