Manugsakay sa iya motor ang isa ka lalaki sang siya ang gintiro sang gin-alegar mga katapo sang New People’s Army sa Purok Tuburan, Barangay Tapi sa Kabankalan City, Lunes sang hapon6.
Dead on arrival sa ospital si alyas Renante, 39-anyos, residente sang nasambit nga barangay matapos makaangkon sang igo sang bala sa iya ulo.
Ginsiling ni Police Lt. Col. Gary Alan Resuma, hepe sang Kabankalan PNP, antis sang insidente, may nabaton na daan nga mga pagpamahog sa iya kabuhi ang biktima.
Ginkilala ang mga suspek nga amo sanday alyas “R-Jay”, 30-anyos kag alyas “Makoy ukon Akiro”, 30-anyos, pareho miyembro sang New People’s Army kag residente sang Brgy. Trinidad sa Guihulngan City, Negros Oriental.
Suno kay Resuma, natabuan nga nagapatigayon sang imbestigasyon sa isa ka separado nga stabbing incident sa kaiping nga barangay ang kapulisan, katapo sang 15th Infantry Battalion sang Philippine Army kag Regional Mobile Force Battalion-Negros Island Region.
Ginlagas sang tropa ka gobyerno ang mga suspek kag may nagluntad nga pagbayluhanay sang lupok. Nakapalagyo ang mga suspek apang narekober sa lugar ang motor sang biktima nga gingamit sang mga suspek bilang getaway vehicle.*
[sibwp_form id=1]