Ginahanda sang kapulisan ang kaso nga murder batuk sa 27-anyos nga suspek nga nagbuno-patay sa iya half-brother sa Urban Phase 4, Barangay Rizal sa syudad sang San Carlos sang Domingo.
Indi pag-intyendihanay ang ginhalinan sang insidente.
Base sa imbestigasyon sang PNP, antes sang pagbuno, naglalisay ang suspek kag ang 41-anyos niya nga half-brother.
Naabtan sang kapulisan ang biktima nga duguon kag wala na sang kabuhi.
Narekober sa crime scene ang sundang nga gingamit sa krimen.
Sa hot-pursuit operation, nadakpan ang suspek nga nagpalagyo sa ila balay.
Suno sa pulis, mag-utod sa amay ang biktima kag ang suspek.