Gindakup sang katapo sang Criminal Investigation and Detection Group-Negros Oriental kag San Jose Municipal Police Station ang isa ka lalaki sa entrapment operation sa Barangay Jilocon, San Jose sa Negros Oriental.
Ginpatigayon ang entrapment batuk sa 43-anyos nga si alyas “Jonathan”. Siya ang gindakup bangud sa paglapas sang layi angut sa paghupot sang armas luthang nga wala sang nagakaigo nga dokumento ukon permit.
Nakuha sa suspek ang KG 9 Ingram Sub-Machine Gun, isa ka caliber .40 pistol, apat ka magazine kag mga bala.
Sang gina-rikisa ang suspek, nakuha man sa iya ang 19 ka pakete sang ginasuspetsuhan shabu nga ginabulubanta nagabalor sang masobra P100,000.
Samtang, may duha ka mga kaupdanan ang suspek nga nakapalagyo. Sila ang padayon karon nga ginapangita sang kapulisan.*