Hana na kuntani nga magsaka sa iya nga pick up matapos magkaon sa talabahan sa Villarosa Street sa Barangay Sum-ag sa Bacolod City ang contractor nga si Greg Alvin Gelito sang hinali na lang nga gintiro mga la una sang udto.
Suno sa mga saksi, nakibot na lang sila nga may nabatian sila sang lupok.
Sang ila ginbalikid nahulog na sa salakyan kag naga higda ang biktima nga duguon sa dalan.
Wala naman gintiro sang suspek ang iya nga driver.
Isa ka lalaki nga naga angkas sa motor ang nagtiro sa iya.
Ang driver sang motor kag ang gunman lunsay naka bonnet kag gilayon nga nagpalagyo.
Ginhingagaw naman dala sa ospital ang biktima. Suno sa PNP napatay ini bangud sang igo sang bala sa ulo.
Suno sa mga manug talaba masami nga nagakaon sa amo nga lugar si Gelito.
Gina usisa pa sang PNP kun ano ang motibo sa krimen.