Ginbanggaan, ginlabo kag ginbuno ang isa ka lalaki sa Sitio Cayas, Barangay Nabulao sa syudad sang Sipalay, Negros Occidental.
Miyerkules sang gab-i nagluntad ang insidente apang Huwebes na sang aga sang na-report ini sa pulis.
Gikan sa iya uma ang biktima nga ginkilala kay alyas “Jonas”, 25-anyos kag papauli na kuntani sa ila balay sang nagluntad ang insidente.
Nagasakay ang biktima sa motorsiklo sang ginlambatan siya sang suspek kag ginlabo, rason sang iya kamatayon.
Ginsiling ni Police Lt. Cipriano Lumanog III, deputy chief sang Sipalay PNP, nakaangkon ang biktima sang 16 tanan ka mga buno kag labo sa lawas.
Nakit-an ang bangkay sang biktima matapos nga may nabatian ang mga pumuluyo sa lugar nga nagasinggitan kag nagapangayo sang bulig.
Away sa duta ang ginalantaw nga motibo sang kapulisan sa krimen.
Suno kay Lumanog, may yara na sila sang person of interest sa pagpatay sa biktima.
