Governor Eugenio Jose Lacson ang pabor sa mga road project basta wala lamang ini sang may ginasupak nga environmental law.
Ini ang reaksyon sang gobernador angut sa panawagan sang pila ka mga grupo sa pag pauntat sang Silay-Cadiz-Calatrava Road. Sini lamang, sa Green SONA ukon State of the Nature Assessment nga gin patigayon sa University of St La Salle, ginsiling ni San Carlos Bishop Gerardo Alminaza, nga ang natungdan nga road construction maga agi sa protected forest sang Northern Negros.
Suno kay Lacson isa ka national project ang amo nga road construction. Pero ang iya nga panindugan amo nga ang mga dalan naga dala sang pag sanyog sa isa ka lugar. Daku ang mabulig sini sa mga komunidad bisan ang sa kabukiran.
Ang importante nga sa ano man nga proyekto may Environmental Compliance Certificate kag compliant ini sa mga rekisitos. Damlag pa nag petisyon na ang Negros Environmental Watch batuk sa 3.7 km road construction nga gintugutan man sang Protected Areas Management Board.
“For as long as we don’t violate any environmental law, I am for it. We know that by implementing roads like that it will also shorten travel time towards the center of Negros Occidental. Basta there’s no violation, ang importante diri ang ECC is secured I am for it. Because I know how a community improves basta may dalan”, suno kay Lacson.