Gobernador sang probinsya ang maga sapol Department of Education sa pag pasiguro nga mangin handa ang tanan para sa gina paabot nga full face-to-face classes sa Nobyembre.
Suno kay Governor Eugenio Jose Lacson, kun ini ang luyag nga matabo ni Presidente Ferdinand Marcos, Jr., gina lauman nga tinguhaan nga malambot ini sang mga natungdan nga stakeholder.
Sa bahin sang probinsya suno kay Lacson paga talakayon nila ang mga tikang agudto mas madamo pa gid ang mabakunahan indi lamang sa mga senior citizen kundi pati man sa mga kabataan nga pareho manubo pa sa target.
Sa datus sang probinsya as of July 9, masobra sa 1.3 million ang nadapatan sang duha ka dose sang Covid vaccine ukon 65.64 percent sang target.
Sa pagsinapol ni Marcos sa mga alkalde kag mga gobernador sang Biernes, ginalauman niya sila ang mag buylog para makabalik sa normal.
Ginalauman nga makapatuman sang phased face-to-face classes sa Setyembre kag full face-to-face sa Nobyembre.
Luyag niya nga mabuksan balik ang ekonomiya nga indi na mag problema sa mga lockdown rason nga gina duso niya ang large-scale nga immunization drive kasubong man para sa booster shots.
“We have not covered a wide range of young individuals. So we will have to discuss that and see how we can cover as many as possible if only to hit the target of face to face classes in our province. Although right now we have face to face pero minimal pa. I understand what the president wants is regular face-to-face, meaning to say 100 percent. I will call a meeting with DepEd and sit down with them and see if that is possible”, suno kay Lacson.