Magapadulong sa Australia si Governor Eugenio Jose Lacson kaupod ang anum ka iban pa para sa official business. Vice Governor Jeffrey Ferrer ang mangin acting governor sa sulod sang isa ka semana.
Sabado sang hapon maga biya na si Governor Lacson para sa official business sa Darwin, Northern Territory sa Australia.
Suno kay Provincial Administrator Rayfrando Diaz nga maga upod man sa gobernador sa amo nga trip, madugay na nga partner sang probinsya ang Darwin sa patag sang job placement kag training programs.
Magasapol kag maga hatag sang courtesy call si Lacson sa mayor kag sa mga ministers sang Tourism, Education kag Disaster Preparedness.
Suno kay Diaz bisitahon man ni Lacson ang mga Negrense nga estudyante kasubong man mga workers nga natigayon paagi sa programa sang probinsya.
Maga upod man sanday Tourism Officer Cheryl Decena, NOLITC Administrator Cristina Orbecido, PIO Charina Tan, kag Project Development Officer for Disaster Risk Reduction, Irene Bel Ploteña. Sila ang tubtob sa Nobyember 11.
Magaserbe naman nga acting vice governor si Board Member Manuel Frederick Ko.