Bonus nga iga-release sang kapitolyo probinsyal sa mga empleyado ang kun ano lamang ang gina tugot.
Ini suno kay Negros Occidental Governor Eugenio Jose Lacson nga nagsiling nga indi na mag release sang IBES ukon Incentive Benefit for Exemplary Services ang probinsya.
Ini bangud sang memorandum sang disallowance nga ila nabaton gikan sa Commission on Audit angut sa IBES sang 2021. Wala labot diri may yara pa gid sang pending nga appeal ang probinsya sa damlag na release nga IBES sa nagliligad nga tuig. Suno kay Lacson, mas maayo na lamang nga untaton na ini nga daan.
“We will now be giving what is allowed”, suno kay Lacson.
Kun maga pabilin ang disallowance, sa pag retiro sang empleyado, iga deduct ang natungdan nga kantidad.
“Actually we have to return. In the meantime atong previous nga gin-deny na sang COA, ga appeal pa kami. But we’ve never won any appeal. We might as well stop it already”, suno kay Lacson.
Gina paabot nga mas manubo kun ipaanggid sa 2021 ang mabaton nga bonus sang mga empleyado subong nga Disyembre.
“It will be less than what we used to give”, suno kay Lacson.