Sa Biernes natalana magpabakuna si Gobernador Eugenio Jose Lacson kaupod ang tatlo ka mga alkalde kag apat ka mga board member nga mga senior citizen man.
Kaupod ni Lacson nga maga pabakuna sang Sinovac vaccine sa Biernes sa Teresita Lopez Jalandoni Provincial Hospital sa Silay City, sanday Manapla Mayor Manuel Escalante, Hinigaran Mayor Nadie Arceo kag Hinobaan Mayor Ernesto Estrao.
Samtang AstraZeneca vaccine naman ang para kanday board members Araceli Somosa, Pal Guanzon, Samson Mirhan kag Victor Javellana.
May mga department heads naman sang probinsya ang maga serbe nga substitute kag sila amo ang paga dapatan sang bakuna.
Suno kay Atty Rayfrando Diaz sa gihapon gina sunod ang protocol sang department of health sa pagbakuna. May consent ang mga magapaidalom para diri.
Ang priority sa gihapon ang gina sunod. Antes pa man mag idog sa mga senior citizen dapat anay na tapos na ang pag bakuna sa mga frontliner. Wala pa sang abiso kun may maga abot nga allocation para sa probinsya suno kay Diaz. Samtang sa mga lgu nga luyag mag avail sang sputnik vaccine kag may budget ginahaylo sila nga magsulat kag ini ang iga forward sang probinsya sa national government.
Ini base man sa abiso sang national governnment. Suno kay Diaz sa bahin sang probinsya naka order na sang astrazeneca. Wala labot nga mahal ang Sputnik ma kabudlayan sa logistical requirements sini kasubong sang negative 18 nga storage facility para sa bakuna.