Ginpakilala sang mga opisyales sang Ceneco Union of Rational Employees ukon CURE ang ila bag-o nga legal counsel nga si Atty. Joseph Brian Perez matapos ang pag-ilis kay Atty Rey Gorgonio.
Ginkondenar man sang grupo ang ginhimo sang ila mga kaupdanan sa union nga damlag nag-file sang notice of strike.
Suno kay Marbie Cabardo acting president sang CURE, ang mayorya sang katapo sang union ang nagahandum sang kalinong sa pihak man sang nagaluntad nga konplikto tuga sang Joint Venture Agreement sa tunga sang Ceneco kag Primelectric Holdings Incorporated.
Iya ginsiling nga ila gina respeto ang panindugan sang nagapakilala nga interim board of directors apang ang ginakilala sang National Electrification Administration amo lamang ang ila gina recognize kag karon gina-negotiate upod sa Primelectric angut sa JVA nga maga agi sa natalana nga plebisito.