May duha na ka tuig nga wala sang dugang nga sweldo nga napatuman para sa katapo sang labor sector.
Gani dismayado si Wennie Sancho, ang convenor sang General Alliance of Workers Association nga indi matuman ang ginahinyo nila nga wage increase sa katapo sang Regional Tripartite Wages and Productivity Board.
Nagapaabot pa man sila kuntani nga may yara sila sang dapat i-celebrate sa adlaw sang Labor Day sa Mayo uno.
Ugaling gin re schedule sa mayo dose ang deliberation sang RTWPB para sa ginahinyo nga P750 minimum wage across the board sang labor sector.
Ang management sector pinaagi kay Frank Carbon,executive director sang MBCCI nagsiling na nga imposible ang ginahinyo nga dugang nga sweldo sang mga mamumugon bangud wala pa nakabawi ang mga negosyo tuga sang Covid-19 pandemic.
Samtang, upod sa paglunsar sang Electric Cooperative Complaint Desk ukon ECAD nga amo ang magahatag atensyon sa mga reklamu angut sa power supply, nanindugan man ang mga tiglawas sang labor sector para ikondenar ang invasion sang pungsod Russia sa Ukraine.