Banwa sang La Castellana ang may yara na sang contingency plan para sa ginapaabot nga piniliay enkaso nga magsaka sa Alert Level 4 ang bulkan Kanlaon.
Ini suno kay Commission on Elections Regional Director, Atty Lionel Marco Castillano nga nag siling nga ang contingency plan nga gin-submit sang Local Disaster Risk Reduction Management Office sang banwa ang ila nga gin-adapt.
Sa gin-submit nga contingency plan mismo sa banwa sang La Castellana ukon sa lugar nga indi na sakop sang 10km danger zone patigayunon ukon ipahamtang ang mga makeshift nga bolotahan.
Suno kay Castillano, sa karon nga tigayon na naka submit ang La Castellana sang contingency plan ila nga tutukan ang bahin naman sa security plan.
“Meron na silang contingency plan. Within La Castellana lang yun ang gusto nila. Ayaw nilang umalis. We have to make do kung saan nila ilagay yung evacuation center, outside sa 10 km radius”, suno kay Castillano.
Sa pihak nga bahin, sa bulan sang Marso patigayunon ang Regional Joint Security Control Center Meeting kag gina paabot nga sa amo nga tion nga may yara na sang update sa areas of concern sa Negros Occidental.