Alkalde sang banwa sang La Castellana ang naga panawagan sang bulig sang National Government karon nga depleted na suno sa iya ang pondo sang banwa angut sa sitwasyon nila dala sang paglupok sang bulkan Kanlaon.
Suno kay Mayor Añejo Nicor, maka duha na sila ka beses nga nag submit sang documents sa Department of Budget ang Management para sa damlag gin-announce sang Office of the Civil Defense nga approved budget para bulig sa kinahanglanon sang banwa labi na nga may naga pabilin sa gihapon nga mga evacuees.
Wala man maka sabat pa ang DBM suno kay Nicor.
Damlag pa nag hinyo ang banwa sang P48.5M nga pondo nga gin aprobahan man suno sa OCD.
Bilang bag-ong pungko nga alkalde suno sa iya indi na gid masarangan sang banwa rason nga naga panawagan sila sang bulig sang gobyerno national.
Ang Department of Social Welfare and Development naga bulig sa karon sa pag pakaon sang evacuees.
Nag untat suno sa iya sang July 3 ang meals nga gina hatag sang probinsya suno sa iya.
Gina paabot ang pagbalik sini.
Pito na ka bulan ang pagtenir sa mga campsite sang evacuees. Matapos ang pag decamp suno sa MDRRMO may 3,235 individuals sa gihapon ang naga tenir sa camp site.
Ang pag patukod sang permanent relocation para sa apektado ang ila na nga gina lantaw kag kabahin sang ila nga longterm plan.
May site naman nga gina lantaw sa Brgy Talaptap kag sa Brgy Robles kag nag pasalig ang probinsya sang bulig para diri.