3,500 ka mga balay sa banwa sang La Castellana ang nagkalaguba sa nagluntad nga flash flood sang nagligad nga semana.
17,591 naman ang mga partially damaged.
Ini base sa November 10 nga report sang Municipal Disaster Risk Reduction Management Office.
Naga panawagan sang bulig ang banwa. Magluwas sa mga nagkaladula man nga pagkabutang nga nadala anod sang baha labing kinahanglanon man sang mga pumuluyo ang tubig.
Ang power supply kasubong man telecommunication ang wala pa lubos na-restore.
Nagdangat sa 90.8 million pesos ang kahalitan sa agrikultura.
Suno kay Vice Mayor Rhummyla Nicor apektado ang ila nga water source rason nga wala sila sang makuhaan sang tubig nga panggawi kasubong man tubig ilimnon. Ang Red Cross, BFP kag probinsya ang naga bulig na.
Paathag ni Nicor mahinay pero gina tinguhaan nila nga mapalab-ot ang bulig sa mga apektado nga pumuluyo, katunga man nga daan sang empleyado sang banwa ang apektado man sang pagbaha.
Si Mayor Añejo Nicor ang naga panawagan sang bulig sang national kag provincial government. Kaina personal nag bisita si Governor Lacson sa banwa.
Abiso sang mga opisyales nga kun may mag pa lab-ot sang bulig, kuntani mag coordinate sa Incident Management Office ukon sa Mayor’s office para mangin masulhay man ang pag panagtag sang bulig.*