Wala sang abduction nga natabo sa siyudad sang La Carlota, ini ang gin pahayag ni La Carlota PNP chief, Lt Col Lowell Garinganao matapos gina alegar nga isa ka lalaki ang gin abduct sang Domingo sa dalan Burgos sa Barangay Poblacion 2.
Suno kay Garinganao, gina alegar sang utod sang gina siling nga gin abduct nga si Rodel Nicor nga gin pasakay ini sa isa ka puti nga Innova kag wala na makita pa.
Apang sa pag imbestigar sang pulis, yara lang si Nicor sa iya gina ubrahan kag boluntaryo ini nga nag upod sa salakyan agud bayaran ang iya sini utang sa iya contractor.
Nag execute na sang affidavit si Nicor suno sa pulis agud ipahayag nga wala sang may natabo nga abduction.