Mangompra kuntani sang kasapatan ang isa ka komprador sang sila ang ginsundan kag gintiro sang gunman nga sakay sa motor sa Hacienda San Benito, Barangay Crossing Magallon sa banwa sang Moises Padilla, mga pasado las 3, Martes sang kaagahon.
Naigoan sang bala sa tiil ang 50-anyos nga biktima, taga Barangay San Agustin sa banwa sang Isabela, Negros Occidental.
Samtang nakadalagan kag nakaluwas naman ang upod sang biktima, nga amo ang nangayo sang bulig sa pulis.
Ginsiling ni Police Major Ryan Villasario, hepe sang Moises Padilla PNP, gindala sa ospital ang biktima apang siya ang nagtaliwan.
Suno sa hepe, nga base sa findings sang doctor, loss of blood kag cardiac arrest ang gintunaan sang kamatayon sang biktima.
Sa karon, padayon pa ang imbestigasyon sang PNP sa motibo sa insidente kag identities sang suspects.
[sibwp_form id=1]