Handa mag-invest tubtob sa P3 billion ang kumpanya sang business tycoon nga si Lucio Co para mapaayo ang serbisyo sang Bacolod City Water District sa mga konsumedor sini.
Ini suno kay Bacolod District Representative Albee Benitez sa interview sang media sang Disyembre 18.
Ginsiling ni Benitez nga naka istorya sila ni Co, Hwebes sang aga sa pagtalakay sang kinahanglanon nga capital para ma improve ang water services.
Ang modernization program gina bulubanta sang BACIWA nga yara sa P1.5 billion. Willing si Co suno kay Benitez sa pag invest sang tubtob sa P3 billion.
Ang Villar Group ang damlag pa nag-announce nga ang Crystal Bridges Holding Corp. ni Co ang maga acquire sang 100 percent sang PrimeWater Infrastructure kun sa diin may yara sang joint venture agreement ang BACIWA.
Ginsiling ni Benitez nga sa bulan sang Enero ginapaabot nga maga take-over na sila sa operations sang PrimeWater.
Ginahulat na lamang ang clearance sang Philippine Competition Commission suno sa kongresista.
Nag commit na ang grupo ni CO suno kay Benitez sa pag review sang JVA.
May mga luyag nga ipa ammend ang BACIWA sa kontrata agudto nga indi ini one sided suno kay Benitez. Ika duha, ang tanan nga penalties paga bayaran.
Sa naga gwa nga huring-huring, ginhimutig man ni Benitez nga investor siya sa Crystal Bridges Holding Corp. Suno sa iya may naga kaigo nga kwarta si Co sa iya nga pag takeover sa PrimeWater.*
[sibwp_form id=1]