Siudad sang Bacolod kag Probinsya sang Negros Occidental ang ginmanduan sang Korte Suprema nga bayaran ang balor sang gin-demolish nga fourth floor sang Sugarland Hotel lakip na ang danyos nga nagdangat sa malapit 25 milyones pesos.
Sa desisyon nga ginpapanaog ni Associate Justice Rodil Zalameda, sang Third Division sang Korte Suprema, gin-deny sini ang petition for review nga gin-file sang Bacolod kag Probinsya kag gina affirm sini with modification ang desisyon nga ginpapanaog sang Court of Appeals sadtong March 25, 2008.
Nag-ugat ang kaso gikan sa pag demolish sang fourth floor sang Sugarland Hotel sadtong May 1994. Ginkabig ini nga isa sa mga aerial obstruction sang Air Trasportation Office sadto rason man nga ginpasira ang operation sang daan nga airport.
Sa desisyon, 4 million pesos ang balayran sang Bacolod kag 3.6 million naman ang iya sang Negros Occidental, ang aggregate amount ang naga represent sang value sang demolished floor sandig man sa pag appraise sang United Architects Guild of the Philippines – Bacolod Chapter, lakip na 6 percent interest per annum humalin sang November 21, 1994 tubtob nga ma fully paid ini.
Magabayad man sila sang 1 million pesos moral damages plus 6 percent inerest per annum, 1 million pesos nga exemplary damages plus 6 percent interest kag 600,000 pesos attorneys fees plus 6 perent interest. Ini tanan suno sa decision ang bayaran jointly and severally sang mga petitioner lakip na ang cost of suit.
Malapit sa 12 million pesos ang balayran sang probinsya kag mga 13 milyones pesos naman ang iya sang siudad suno kay Provincial Administrator Rayfrando Diaz.
Nagpain na sang pondo ang probinsya para diri kag naga pangita pa sang pondo ang siudad suno kay Atty Karol Chiu, ang Secretary to the Mayor.