Sa public hearing nga ginpatawag sang Committee on Energy and Public Utilities sang konseho sang Bacolod ginpabutyag sang katapo sang Amlig Tubig kag tiglawas sang nagkalain-lain nga sector and pagka-dismaya sa serbisyo sang Baciwa-PrimeWater.
Hasta karon, ginakulang ang water supply kag masami kolor iced tea kag kape ang tubig nga naga gwa sa ila nga gripo.
Ginapanawagan nila ang pag-terminate sang natukod nga kasugtanan sang Baciwa-PrimeWater natungod sang makabig kapalpakan.
Ang tagdumalahan sang Baciwa nag-ako nga sa karon may kakulangan sila kag ang PrimeWater sa bahin sang pagpasiguro sang 24-hour nga uninterrupted water supply tuga man sang tuman kainit nga panahon.
Gani subong, ginpatuman ang mga tikang nga kabahin sang ila catch-up plan.
Nalakip diri ang pagpangita sang dugang nga water sources.
Suno kay Councilor Claudio Puentevella, maga-recommend sila sa Local Water Utilities Administration nga ma-review ang kontrata sang Baciwa kag PrimeWater.
Ini man ang damlag panawagan ni Mayor Albee Benitez nga sa karon nagahikot sang water security plan nga mangin basehan sang Baciwa kag PrimeWater nga mapatuman ang 24-hour uninterrupted water supply sa madasun nga binulan.