Kontrata sang duha ka mga pamuno sang Gobyerno Probinsyal bilang consultant sang Bacolod City ang nagtapos naman sang bulan sang Disyembre.
Suno kay Lucille Gelvolea ang head sang Economic Enterprise Development Department sang Negros Occidental, sa iya nga bahin wala naman siya sang may nakita nga problema kun indi siya mag renew sang kontrata bilang consultant sang siudad bangud sa iya nga personal nga kapasidad makabulig man lamang siya kay Mayor Albee Benitez.
Suno kay Provincial Administrator Rayfrando Diaz nag pahayag man damlag pa si Dr Mary Ann Maestral ang chief of hospital sang Teresita Lopez Jalandoni Provincial Hosptial sa Silay City, nga indi naman siya mag renew sang iya kontrata sa siudad sa 2023.
Damlag pa ginpahayag na ni Diaz, nga magatapos na ang iya kontrata sa siudad sa Disyembre kag iya na nahatag ang iya nga mabulig sa Bacolod.
Suno kay Diaz ang ini nga bagay ang iya na nga daan natalakay sa alkalde antes pa man nagtapos ang iya nga kontrata. Pero, sa ano man nga tion nga kinahanglan siya, bukas siya para kay Mayor Albee may kontrata man ukon wala suno kay Diaz.
“Kami naman ya nagapabilin ang amon relasyon kay Mayor Albee nga hugot gihapon.
Anything nga kinahanglanon niya, personally, or sa probinsya with the consent of Gov and Vice Gov gina extend man na namon.
Ang amon ya relasyon ara gid ya kay Mayor Albee, indi ya sa Bacolod”, suno kay Diaz.