Kontrata sang 105 ka mga contract tracers sa Bacolod ang wala na gin renew.
Bangud sang manubo nga Covid-19 cases sa Bacolod sa idalom sang alert level 1, wala naman gin extend sang Department of the Interior and Local Government ang kontrata sang 105 ka mga contact tracers nga nag serbe sa siudad sa peak sang Covid-19 pandemic.
Suno kay Dr. Edwin Miraflor, OIC sang City Health Office, diutay na lang ang mga pasyente sa mga temporary treatment and monitoring facility sang siudad amo nga gin pull out naman ang mga nagabantay nga personnel sa pasilidad.
May 115 ka mga contact tracers ang gin-hire sang DILG sa tunga tunga sang pandemic.
Nag-ayo ang konseho sang siudad para kun tani sa extension sang ila kontrata nga natapos sang nagligad nga Disyembre.
Napulo lang sa ila ang na renew ang kontrata para mapadayon ang pagpatuman sang interview, profiling kag assessment sa mga nalatnan sang virus.
Ang mga barangay health and emergency response teams upod sa katapo sang Bacolod City Police Office amo ang temporaryo nga nagserbe nga contact tracers sa siudad.