Magapadayon gihapon ang towing operation sa siudad bisan nag-expire na ang kontrata sang Metro Towing Services. Sang Disyembre 31, nagtakop ang napirmahan nga memorandum of agreement sa tunga sang siudad kag Metro Towing Services nga natagaan sang accreditation para sa towing operation.
Pero bisan nag expire na, ginsiling ni BTAO head Patrick Lacson nga magapadayon gihapon ang pagpatuman sang clamping kag towing ordinance.
Ang BTAO amo ang maga-issue sang resibo sa mga violators samtang ginahikot pa ang renewal sang kasugtanan sang towing service upod sa siudad.
Nagligad lang nga semana sang ginkwestyon ni anay city councilor Archie Baribar ang paghatag accreditation sa towing service kun diin mas dako pa ang ginakuha sini nga collection share sang sa siudad.
Paathag ni City Legal Officer Atty. Romeo Carlos Ting, Jr. wala sang may ginagasto ang siudad sa towing operation amo nga 25 perceng lamang ang ginabaton sang BTAO.
Bukas man ang iban pa nga towing service nga luyag magserbisyo upod sa BTAO.