Kontrata sang sudad kag AVM Bernado Engineering and Slaughterhouse gina pa-revoke sang katapo sang konseho.
Humalin sang 2016 naglab-ot na sa P8.9M ang utang sang AVM Bernardo Engineering para sa rental fee sa pagdumala sang natukod nga slaughterhouse sa Barangay Handumanan sa Bacolod City.
Bangud man sang kapaslawan sa pagbayad sang arrears kag pagsupak sang Section 12 sang memorandum of agreement, liwat nga naduso sa konseho ang pag revoke sang kontrata sang siudad upod sa AVM Bernardo Engineering.
Suno kay Councilor Celia Flor, pamuno sang Committee on Markets and Slaughterhouse, ginakinahanglan pa ini nga matun-an bangud may mga pending man nga request ang management sang ihawan agud mapasakaan ang ila ginasukot nga slaughter kag delivery fee.
Sang 2015, ginpadal-an na sadto sang siudad sang Notice to Vacate ang tagdumalahan sang ihawan bangud man sang kapaslawan nga magbayad sang rental fee.
Sa 2028 natalana nga magatapos ang kontrata sang AVM Bernardo Engineering upod sa Bacolod Lgu.