Unanimously approved sang katapo sang Sangguniang Panlungsod ang ginduso nga resolution ni Councilor Renecito Novero angut sa hinyo sa comelec nga magtalana sang separado nga lugar para sa mga botante nga senior citizen, may co-morbidity kag persons with disability sa May 9 elections.
Suno kay Novero, nagapadayon ang halit nga tuga sang Covid-19 kag mga variants sini sa bilog nga kalibutan, ilabi na sa pungsod kag sa siudad.
Gani nagakaangay lang nga mas mapangapinan ang mga botante nga may mahuyang nga immune system kag resistance sa makamamatay nga virus.
Nagapati ang konsehal nga pagadagsaon ang mga voting precincts kag mangin malawig ang botohay rason nga mabutang man sa risgo kag kabudlayan ang mga senior citizen, may co-morbidity kag mga pwd sa natalana nga Election Day.