Resolution gikan sa konseho ginahinyo sang alkalde para temporaryo maka-operate ang kiosko sang deaf community sa Bacolod Public Plaza.
Asta karon wala pa makasugod operate ang natukod nga kiosko sang katapo sang Deaf Community sa Bacolod Public Plaza.
Ginsiling ni Mayor Albee Benitez nga naghinyo na siya sa katapo sang Sangguniang Panlungsod para sa issuance sang resolution nga sarang maghatag pahanugot sa pag-operate sang kiosko nga natukod sa waiting shed sang plaza sang nagligad pa nga tuig.
Ang katapo sang Bacolod Integrated Deaf Association ang nag-ayo sa Bacolod LGU pinaagi sa Sectoral Affairs Office nga maka pahamtang sang kiosko sa plaza nga sarang nila tiponan kag magamit sa ila palangabuhian.
Nalakip sa plano sang alkalde nga temporary anay maka-operate ang kiosko samtang ginasuguran ang rehabilitation project sa Bacolod Public Plaza.