Paathag niya, nagpa X-ray siya sa ospital sang nabungguan sang iya nga staff ang glass wall sang kalan-an.
Sa statement nga gin post ni Councilor Salanga sa iya nga Facebook account nga yara na siya Emergency Room sang ospital sang nakabunggo ang ginsakyan nga pick-up sa Quan sa BS Aquino Drive sa Bacolod Sabado sang aga.
Istorya niya, antes sini nadanlog siya samtang nagapaligo sa banyo kag natukod niya ang iya nawala nga kamot kag iya pa ginpakita ang iya nga X-ray.
Nag-ayo siya sa 20 anyos niya nga staff nga amo ang nag drive sang pick-up para maka pa check up siya sa ospital.
Sang yara na sa ER, naghingagaw pangita sang lugar nga maka park ang driver sa malapit nga kalan-an ugaling aksidente nga naglapaw ang pick-up kag nabunggo sa glass wall.
Sa CCTV video nga kuha sa sulod sang restaurant makita nga driver lang ang nanaog sa pick-up agud mapahibalo ang natabo sa konsehal nga yara pa sa ER.
Ginklaro sang konsehal nga ang salakyan ang ginapanag-iyahan sang iya magulang nga si Mark Salanga kag iya man ginpakita ang OR CR sang salakyan nga naka pangalan sa iya utod.
Iya man gilayon nga ginpakaayo ang nawasak nga glass wall sang Quan matapos ang insidente.