Nag surrender sa kapulisan sang kahapon ang tatlo ka mga persona nga gina tudlo yara sa likod sa pag patay kay Moises Padilla Councilor Jolomar Hilario sang Marso tuig 2019.
Detained na sa karon sa Moises Padilla PNP ang mga nag surrender nga sanday Councilor Jose Morito Flores, punong barangay sang Quintin Remo nga si Felisa Villaflor, kag mister sini nga si Jonathan.
Suno sa alkalde sang banwa nga si Mayor Ella Garcia-Yulo, ang mga opisyal nga naka leave sa pila na ka bulan ang karon nag surrender na para matapos na ang tanan.
Kabahin man sa mga gina tudlo suspek sa pag patay sa konsehal amo sanday Vice Mayor Adrian Villaflor, Councilor Vincent Garcia kag Councilor Jimmie Don Plaza nga lunsay nag panginwala man nga sila ang may kahilabtanan sa krimen. Sila ang naka leave tubtob karon.
Si Yulo ang naga pati man nga wala sang kahilabtanan sa krimen ang mga gina tudlo nga opisyales kag sila ang gina pasibangdan lang sang iya kasumpong sa pulitika.
Gin pahayag man ni Yulo nga kabahin man siya sa kaso pero wala sang arrest warrant batuk sa iya bangud sa naka detain pa ini sadto sang matabo ang gina alegar pag plano sa pag patay sa kay Hilario.
Naga hulat naman lang sa karon sang commitment order ang PNP kun sa diin i detain ang mga suspek.
Wala man sang pyansa ang kaso nga murder nga gin papanaog sa ila suno sa pulis.