"I will not take this sitting down".
Ini ang nangin pahayag ni Councilor Al Espino karon nga ang nakabalik na sa Sanguniang Panlungsod sang Bacolod matapos ang anom sini ka bulan nga suspensyon.
Na-suspend si Espino bangud sa kaso nga ginpasaka sang anay pamuno sang Bacolod Traffic Authority Office bangud sa mga pagpamahog.
Ginsiling ni Espino nga ang iya suspension tuga lamang sang politikal nga mga bagay. Siya man ang naga hulat sang resulta sa mga kaso nga iya gin-file batok sa mga nagpasaka man sang kaso sa iya.
Kahapon nga adlaw, nagtambong na ang konsehal sa weekly session sang SP. Suno sa iya ginapadayon ang mga ordinansa nga iya ginaduso antes pa siya ma suspend.
Isa diri ang pagpabaskog sang primary education ilabi na sa mga day care centers. Si Espino ang pamuno sang Committee on Education sa SP.
Suno sa iya , kinahanglan hatagan sang daku nga pagtamud kag bulig ang day care centers sa siudad bangud isa ini sa mga ginakulang sang resources.*
[sibwp_form id=1]