Sa tanan nga ti-on, maghatag sang respeto sa isig kapareho kag palabaon ang pasensya.
Ini ang panugyan ni Police Major Elmer Bonilla, chief sang Traffic Enforcement Unit angot sa nag-viral nga video kun diin may indi pag-intyendihanay sa tunga sang konduktor kag lalaki nga pasahero sang modernized jeepney.
Ang modern jeep ang naga-biyahe sang routa nga Fortune Towne-Central Market Loop sa Bacolod City.
Base sa impormasyon, nagpungko ang pasahero sa priority seat nga para sa mga senior citizens, persons with disability kag nagabusong.
Nagluntad ang komosyon sa tunga sang pasahero kag konduktor, kag didto na nakuhaan sang video sang isa ka pasahero ang pagpanaug kag pagdupla sang lalaki nga pasahero sa konduktor.
Suno kay Bonilla, pananglitan nga magpasaka sang kaso ang konduktor batok sa pasahero, mahimo niya ini kasuhan sang unjust vexation.*
[sibwp_form id=1]