Mayor Albee Benitez nagtukod na sang komitiba para matagaan solusyon ang problema sang linibo nga mga negosyante nga asta karon wala pa sang business permit tungod sang kakulang sang fire safety inspection certificate sa Bacolod.
Indi lang mga dalagko nga malls sa Bacolod ang sa gihapon naga-operate nga wala sang business permit tuga sang kakulang sang fire safety inspection certificate nga gina- issue sang Bureau of Fire Protection-Bacolod.
May mga eskwelahan kag iban pa nga commercial establishment nga nagdangup sadto sa siudad bangud sang kabudlayan sa pag-secure sang requirements sa idalom sang Fire Code of the Philippines.
Suno kay City Legal Officer Atty. Romeo Carlos Ting, Jr., may naporma na nga komitiba ang alkalde agud matagaan sang solusyon ang problema sang linibo nga mga negosyante.
Sa records sang Permits and Licensing Division sang siudad, masobra 5,000 ka mga commercial establishment nga wala pa sang business permit ang sarang mapasirad- an.
Kadam-an diri ang napadal-an na sang notice of violation.
Ginapaabot ni Ting nga matigayon ang pagsinapol sang alkalde upod sa katapo sang business sector, BFP kag mga natungdan nga city department sa sini nga semana para masolusyunan ang problema.