Kiosko sang deaf organization sa Bacolod Public Plaza natalana nga kakason agud masaylo malapit sa atubang sang Bays Center.
Wala na maka-operate ang gintukod kuntani nga kiosko sang Bacolod Integrated Deaf Association sa waiting shed sa sulod sang Bacolod Public Plaza.
Ginsiling ni City Administrator Lucille Gelvolea, natalana nga isaylo ang natukod nga kiosko para sa katapo sang deaf organization sa atubang sang Bays Center nga tabok lang man sang plaza.
Gindugang ni Gelvolea nga gina-finalize na ang plano ni Mayor Albee Benitez nga patahumon ang Bacolod Public Plaza amo nga kinahanglan mapaiway ang pagbaligya sa sulod sang plaza.
Ang siudad ang magabulig sa pagpatukod sang bag-o nga kiosko nga salayluhan sang organization.