Kilid sang Manokan Country sa reclamation area ang gin amat-amat na kudalan sang SM Prime Holdings Incorporated.
Naka-plastar na ang mga poste nga maga serbe haligi sang igabutang nga kudal sa kilid sang Manokan Country sa dalan Rizal.
Pero wala anay gindayon sang SMPHI ang pagbutang sang baral matapos nag-ayo ang mga flower vendors sa kilid sang Manokan nga makabaligya sila karon nga Valentine’s Day.
Bwas posible na nga masuguran liwat sang SMPHI ang pagkudal sa amo nga area.
Makita naman sa atubang sang Manokan ang mga tents nga magaserbe nga extension sang ila temporary nga baligyaan sa parking area sang mall.
Ginsiling ni City Legal Officer Karol Joseph Chiu nga sa Pebrero 21 mahimo suguran naman sang SMPHI ang board-up ukon pagkudal sa daan nga Manokan para sa natalana nga demolition.
Ang SMPHI amo ang maga-develop sang Manokan kabahin sang joint development project upod sa Bacolod LGU.