Pilason ang 28 anyos nga si Jose Marie Peñosa matapos ini gin kastigo sang duha ka tag-iya sang boarding house nga iya kuntani kawatan.
Sa imbestigasyon sang PNP, Lunes sang kaagahon sang ginsulod ni Peñosa ang isa ka boarding house sa Barangay Zone 2 sa Cadiz City.
Didto kag iya gin kuha ang lima tanan ka mga cellphones nga nagabalor 44,000 pesos.
Ugaling nabugtawan ang duha ka tag iya sang boarding house, gani ila gin kastigo si Peñosa.
Padayon pa nga gina bulong sa ospital si Peñosa.
Kaso nga theft ang ipasaka batuk sa iya.