Katapo sang Muslim community ang nagsaulog sang Eid Al-Fitr, ukon ang Festival of Breaking Fast.
Sa Masjid, Abu Bakr Al Saddiq sa Bacolod may pagtilipon agudto isaulog ang madinalag-on nga pagpatuman sang Ramadan sa tunga sang mga pagpanghangkat nga nasugata dala sang pandemya.
Ginsugdan sa Eid prayer ukon Salatul Eid ang pagtililipon. Pagkatapos sini may mga pahampang sa kabataan kag kinaon.
Suno kay Bro. Yousuf Fos ang presidente sang Center for Islamic Studies kag Dawah of Negros, sa isa ka bulan nga puasa kag pagpangamuyo nalakip diri ang personal
Nga mga pag-ampo kag paghinyo sang kaluoy, grasya, pagbugay bisan pa pangamuyo para sa ikaayong lawas.
Nalakip man diri ang kahilwayan gikan sa pandemya suno sa iya kag kalinong sa tagsa-tagsa kag bug-os nga kalibutan.
Sa tunga sang pagtililipon suno sa lider, wala sila nagkulang sa pagpahanumdom sa pag sunod sa minimum health protocol.
Nga naga lakip sang pag gamit sang mask sa sulod sang masjid kag pagpatuman sang social distancing.
Tubtob lamang sa 50 percent sang kapasidad sang Masjid ang ila nga gintugutan suno sa iya.