Miyembro sang Kadamay Negros duha na ka adlaw nga missing.
Nagpatigayon kaina sang lightning rally ang nagkalain lain nga progresibo nga grupo agud ipanawagan nga makit-an na ang na duha na ka adlaw nga missing nga katapo sang Kadamay Negros nga si Iver Larit.
Suno sa Kadamay, si Larit ang may natalana kun tani nga pagsapol sa urban poor community nga iya gin organize las dyes sang Martes sang aga apang wala ini maka tambong.
Indi naman siya ma contact sang iya anak humalin sa paghalin sini sa ila balay sa Barangay Mansilingan sa Bacolod sang Martes sang aga.
Padayon man ang pag follow up karon sang Police Station 7 agud makita si Larit. Ang missing nga miyembro sang progresibo nga grupo ang na red tag man suno sa iya kaupdanan kag na detain man bangud sang pila ka mga kaso.
Kabahin man siya sa sadto sa nag lapta nga “Kill, kill, kill” list.