Patay ang isa ka gina alegar katapo sang New Peoples Army nga ginkilala kay alias Val sa enkwentro nga nag luntad kahapon sa tunga sang mga rebelde kag tropa sang 94th IB sang Philippine Army sa Barangay Buenavista, siyudad sang Himamaylan.
Ang biktima ang isa man ka tumandok sang amo nga lugar.
Suno sa army, nakabaton sila sang impormasyon angut sang pag pangilkil sang mga rebelde sa lugar gani nagpatigayon man sang combat operation ang militar sa area.
Ginabulubanta 20 ka mga katapo sang NPA ang na enkwentro sang tropa. Naglab-ot sa 30 ka minutos ang bayluhanay sang lupok nga ginkamatay sang isa ka rebelde.
Narekober man sang army ang isa ka M16 rifle, mga bala, bag kag mga pagkaon nga ginapatihan ginkuha sang mga rebelde sa mga pumuluyo.