Shadow

Katapo sang Grupo Progreso ginpakilala, nag file sang COC

YouTube player

Pagkatapos sang misa sa San Sebastian Cathedral, ginsugata sang ila mga supporters ang mga kandidato sang Grupo Progreso sa pagpanguna ni Mayor Evelio Leonardia.

Madasun sila nga nag martsa padulong sa Comelec Bacolod para mag file sang certificate of candidacy.

Sa press conference antes sang filing sang COC, ginkabig ni Leonardia nga perfect combination ang GP slate para sa 2022 local elections sa Bacolod.

Dugang sa katapo sang GP candidates sa pagka konsehal sanday Brgy. 19 Kagawad Jonathan Diaz, Cashmere Montalvo nga isa ka information technology expert kag Dr. Chris Sorongon nga deputy for medical data and analysis sang Bacolod Emergency Operations Center.

Magabalik man papili sa pagka konsehal si Em Ang nga nag resign bilang city administrator, ang broadcaster nga si Marlon Solidum kag anay Ceneco board of director Ed Guillem.

Sanday incumbent City Councilor Cindy Rojas, Israel Salanga, Archie Baribar, Renecito Novero, Dindo Ramos kag Carl Lopez ang liwat nga magapapili sa idalom sa gihapon sang GP.

Ginpasalamatan man sang alkalde ang pagpabilin sang iya mangin ka-running mate nga si Vice-Mayor El Cid Familiaran para sa 2022 elections.

Ginklaro ni Leonardia nga magapabilin nga neutral si Congressman Greg Gasataya nga ila ginlakip sa line-up.

Magluwas kay Solidum nga katapo sang Nationalist People’s Coalition kag Baribar nga katapo sang promdi, nagsaylo na sa Nationalista Party ang kalabanan nga katapo sang GP nga anay katapo sang NPC.

Secured By miniOrangeSecured By miniOrange