Patay ang 53 anyos nga si Jimmy Calibjo matapos ini gintiro sa sulod mismo sang iya balay kagab-i sa Barangay Poblacion sa banwa sang Cauayan.
Suno sa PNP, naga tan-aw lang sang tv ang biktima sang gulpi lang nag sulod ang armado nga suspek kag gin tiro sang duha ka beses si Calibjo.
Nakita pa sang iya anak kag misis ang pag paniro. Nagpakilala man nga NPA suno sa pulis ang suspek kag nag siling nga siya ang may balikan pa.
May tatlo man ka lookout nga upod ang suspek suno sa pulis. Gina usisa pa karon sang Cauayan PNP kun bala insurgency related ang pag paniro ukon may kaangtanan man ini sa trabaho sang biktima nga kabahin sang peacemaker nga grupo nga force multiplier sa banwa sang Cauayan.
Gin kundenar man sang Negros Occidental Police Provincial Office ang pag patay kay Calibjo.