Katapo sang Board of Directors sang Progressive Alliance of Capitol Employees ang magapaidalom sa voluntary drug testing.
Suno kay Ruben Diamante, ang chairperson, nag pasar sang board resolution ang PACE sang Biernes, kag walo sa ila nga katapo nga present sa meeting ang naghilisugot nga mag paidalom sa voluntary drug testing. Ini ang ipatuman sini nga semana – mahimo Martes ukon Miyerkules suno kay Diamante.
Ini ang ila nga pag pakita sang ila nga pagsuporta sa gina tib-ong nga drug-free work force sa Kapitolyo Probinsya.
Dugang pa ni Diamante luyag man nila nga mag serbe nga ehemplo kag pag pang engganyo man sa iban nga mag paidalom sa voluntary drug test.
Damlag pa, ginsiling ni Provincial Administrator Rayfrando Diaz nga may mga impormasyon sila nga nabaton nga may problema angut sa iligal nga droga ang pila ka mga empleyado sang provincial government pero ini ang subject pa sa validation.
“Ang tanan nga board of director sang PACE kag ang staff ma voluntary drug test sa sini nga week – Tuesday or Wednesday agudto to support sa claim man nga dapat drug free workplace. Naga suporta kita nga dapat wala Lang addict sa serbisyo sa gobyerno”, suno kay Diamante.