Kaso nga murder ang ginpasaka batuk sa apat ka mga katapo sang bantay dagat nga nagtiro kag naka patay sa isa ka mananagat nga taga Victorias City.
Suno sa kay Police Major Ian Macatangay ang PIO sang Cebu Police Provincial Office, nakatipon sang mabakod nga ebidensya ang PNP batuk sa apat nga sila ang ara sa likod sang kamatayon sang mangingsida nga si Rex Dela Cruz.
Suno pa kay Macatangay ginpasaka na ang kaso sa Danao Regional Trial Court kag ila ginahulat ang desisyon sang korte apang ang mga akusado ang maga-file sang motion for reconsideration.
Nagaguwa man sa imbestigasyon nga may transaksyon sa kapitan sang fishing boat ang mga katapo sang Bantay Dagat, apang gina-alegar may nagluntad nga komosyon nga nagresulta sa pagpaniro.
Setyembre 3 sang gin tiro sang bantay dagat ang anum ka mga mangingisda nga taga Victorias kag isa sa ila ang napatay.