Kaso sang human trafficking kabahin na diri ang online child trafficking ang nagapabilin alarming.
Sa ginhiwat nga forum seminar sa pagdumdom sang World Day against Human Trafficking in persons natalakay sang nagkalain-lain nga sector ang tikang agud mapunggan ang amo nga sahi sang pag pang-abuso kag krimen.
Ginsiling ni Councilor Celia Flor, pamuno sang Committee on Women, Gender, Family and Childcare sang konseho dako nga bulig ang suporta sang komunidad ilabi na nga pila sa mga naga kabiktima sang human trafficking mga menor de edad nga ginagamit sa online prostitution.
Gindugang niya sa Bacolod indi magnubo sa napulo ang kaso sang human trafficking nga para sa iya makabig nga maka-alarma.
Nalakip sa mga naga kabiktima sang trafficking ang mga OFW nga nagakabiktima sang illegal recruitment kag pati ang mga naga binaligya sang ila human organs.
Sa ginpirmahan nga pledge of commitment ginpasalig sang katapo sang nagkalain-lain nga organization upod sa mga ahensya sang gobyerno ang suporta para matapna na ang ano man nga sahi sang human trafficking.