Sa ulihi nga semana sang bulan sang Agosto may nagdugang nga napulo ka mga kaso sang HFMD sa Bacolod City base sa report sang City Health Office.
Gani nagdangat na sa 130 ang HFMD cases sang siudad humalin bulan sang Enero.
Nagapanguna ang Barangay Estefania nga may 15 ka kaso.
Ginasundan sang Villamonte nga may 14, Tangub- 13, kag ang Mansilingan, Cabug kag Singcang-Airport tig siyam ka mga kaso.
Kalabanan sa mga kabataan nga nalatnan sang masakit ang yara sa edad nga isa tubtob napulo ka tuig.
Panugyan sang City Health Office sa mga ginikanan, ipa hangup sa mga bata kun ano ka importante ang pagpanghugas sang kamot para makalikaw sa balatian nga masami naga uso kada magbukas ang klase.