Nagdangat sa 7,000 ang dengue cases sa Western Visayas sa pagtakop sang bulan sang Nobyembre.
Sa Morbidity Week 48 nga datus 56 ang new dengue cases sa rehiyon. As of December 2, 7,096 ang dengue cases sa Western Visayas.
Suno sa Department of Health, 53 percent ini nga mas manubo kun ipa anggid sa kasubong nga tion sang 2022.
Ang Iloilo City ang may pinaka madamo nga gin-report nga new cases – 15, nagasunod naman ang Aklan, 13 new cases, Iloilo Province kag Bacolod City pareho nga may 10 new cases.
Wala naman sang may gin-report bag-o nga dengue death gani nagapabilin sa 26 ang regional dengue death count.
May 44 naman ka barangay sa Western Visayas ang may yara sang clustering of dengue cases.